نوچە-ئاژانسەکان
بە بڕیاری بەرپرسانی باڵای ئێران، سەرجەم قوتابخانە و خوێندنگاکان تا کۆتایی ساڵی خوێندن دادەخرێن.
وەزیری تەندروستی ئێران، ئەمڕۆ پێنجشەممە ٥ی مارس ڕایگەیاند: سەرجەم خوێندنگا و قوتابخانە و زانکۆکانی ئێران تا کۆتایی ساڵی خوێندن دادەخرێن.
بە گوتەی سەعید نمەکی، ئەم ىڕیارە بە هەماهەنگی لەگەڵ شارەزایان و شاندی ڕێکخراوی تەندروستی جیهانی دراوە.
نمەکی هەروەها داوای لە خەڵکی ئێران کردووە، لە هەر جۆرە گەشت و سەردانێک خۆ بە دوور بگرن.
وەزیری تەندروستی ئێران ڕاشیگەیاند، ئەگەر کەسێک گومانی تووشبوون بە کۆرۆنای هەبێت و بیشارێتەوە، وەک سەرپێچی هەژمار دەکرێت و لێپێچینەوەی لەگەڵ دەکرێت.
هەروەها کاتی تاقیکارییەکانی ماستەر و دکتۆرا بۆ ماوەیەکی نادیار دوادەخرێ.
