نوچە: ئاژانسەکان
سەرۆک وەزیرانی کاربەڕێکەری ئیسرائیل، سەرکەوتنی خۆی لە هەڵبژاردنی پەرلەمان (کنێست)ی وڵاتەکەی راگەیاند.
ئەوە لە کاتێکدایە، کە رۆژی سیشەممە ١٧-٩-٢٠١٩، هەڵبژاردنی کنێست ئەنجام درا و لە ئەنجامی هەڵبژاردنەکە، پارتی لیکۆد بە سەرۆکایەتیی بنیامین نەتانیاهۆ ٣٢ کورسیی کنێستی بەدەستهێنا و پارتی شین و سپیش بە سەرۆکایەتیی بینی گانتس ٣٣ کورسی بە دەست هێنا. بەڵام نەتانیاهۆ و دواتریش گانتس نەیانتوانی حکومەتی نوێی وڵاتەکەیان پێک بهێنن، بۆیە بڕیاری ئەنجامدانەوەی هەڵبژاردنی دووبارە لە رۆژی ٢-٣-٢٠٢٠ درا.
رۆژی دووشەممە ٢-٣-٢٠٢٠، هەڵبژاردنی کنێست-ی ئیسرائیلی ئەنجام درا و تێیدا هەردوو پارتی (لیکۆد) و (شین و سپی)، کابەریی بەدەستهێنانی زۆرینەی کورسییەکانیان کرد.
دوای تەواوبوونی پرۆسەی دەنگدان و دەرچوونی ئەنجامە بەراییەکان، بنیامین نەتانیاهۆی سەرۆک وەزیرانی کاربەڕێکەر و سەرۆکی لیکۆد سەرکەوتنی خۆی و حزبەکەی لە هەڵبژاردنەکە راگەیاندووە.
کنێست (پەرلەمان)ی ئیسرائیل لە ١٢٠ ئەندام پێک دێت و کام لایەن زۆرینەی کورسییەکان بە دەست بهێنێت، سەرۆک وەزیرانی ئیسرائیل دیاری دەکات، بەڵام پێویستە رەزامەندیی ٦١ پەرلەمانتار، بەدەست بهێنێت.
