شلێر سەعید
کوردێک وەکوو تاکە گەنج لە عێڕاق و نوێنەری کورد و زانکۆی سۆران، بەشدارە لە کۆنفرانسی ساڵانەی لاوانی ئاسیا لە وڵاتی مالیزیا.
عمر وهاب، وەکوو تاکە گەنج لە عێڕاق و نوێنەری کورد و زانکۆ ی سۆران بەشدارە لەم کۆنفرانسەدا.
شایەنی باسە، کۆنفرانسەکە کەمتر لە هەفتەیەک دەخایەنێت و لەم کۆنفرانسەدا گەنجان بە تێکڕا هەوڵی دۆزینەوەی چارەسەر بۆ کێشە گشتی و جیهانییەکان دەدەن.
عمر وهاب تەمەنی 19 ساڵە و لە دایک بووی شاری کەرکوکە و خەڵکی گوندی باغەجنێری سەر بە ناحییەی تەق تەقە.
قۆناغی یەکەمی سەرەتایی لە کەرکوک خوێندووە و قۆناغەکانی تری خوێندنی لە قوتابخانەکانی تەق تەق و دەورووبەری خوێندووە.
ئێستاش قوتابی قۆناغی دووی بەشی زمانی ئینگلیزی فاکەڵتی پەروەردەی زانکۆی سۆرانە.
ئەم کۆنفرانسە لە ژێر چاودێری نەتەوە یەکگرتووەکانە و زۆرینەی وڵاتانی ئاسیا و بەشێک لە وڵاتانی ئەمریکای لاتین و بەشێک لە وڵاتانی ئەفریقیا-ش بەشدارن تیایدا.
نوێنەرە گەنجەکەی کورد و زانکۆی سۆران، ڕاسپێردراوە بۆ کارکردن لەگەڵ ڕێکخراوی FAO-ی نێودەوڵەتی بۆ کارکردن لەسەر چارەسەرکردنی کێشەی خواردن و کشتوکاڵی وڵاتی قەرقیزستان.
