نوچە
ئەمڕۆ سیشەممە ٢١-١-٢٠٢٠ نەجم جبووری، پارێزگاری نەینەوا سەردانی سەرۆک مەسعوود بارزانی کرد و لە سەلاحەدین پێشوازیی لێکرا و رەوشی عێراق و ناوچەکەیان تاوتوێ کرد.
بەگوێرەی راگەیەندراوی کۆبوونەوەکە، لە دیدارەکەدا بارودۆخی عێراق و ناوچەکە و بەتایبەتی پارێزگای نەینەوا تاوتوێکرا و جەخت لەسەر ئاوەدانکردنەوەی ئەو پارێزگایە و بەهێزکردنی پەیوەندییەکان کرایەوە.
هاوکات لە دیدارەکەدا رەوشی ئاوەدانكردنەوەی ناوچە ئازادكراوەكان، گوزەرانی ئاوارەكان و بەربەستی بەردەم گەڕانەوەی ئاوارەكان بۆ ناوچەكانیان تاوتوێ كرا.
لە تەوەرێکی دیکەدا باس لە ئەگەرەکانی سەرهەڵدانەوە و بەهێزبوونەوەی تیرۆر و پێویستییەکانی بەرەنگاربوونەوەی کرا.
