نوچە
بهرپرسی فهرمانگهی پهیوهندییهكانی دهرهوهی هەرێم رایدەگەیەنێت، هەڵوێستی حکومەتی هەرێم لەبارەی گرژییەکان و ململانێی نێوان ئەمریکا و ئێران ئەوەیە، کە هەرێمی کوردستان بێلایەن بێت و نەبێتە بەشێک لەو ململانێیە.
بەپێی راگەیەندراوێکی پەرلەمانی کوردستان، دوێنێ سەفین دزەیی، بهرپرسی فهرمانگهی پهیوهندییهكانی دهرهوهی هەرێم لەگەڵ لیژنهى پهیوهندییهكانی پەرلەمانی کوردستان کۆبوەتەوە و لەبارەی هەڵوێستی حکومەتی هەرێمی کوردستان لەمەڕ گرژییەکانی نێوان ئەمریکاو ئێران و لێکەوتەکانی لەسەر هەرێمی کوردستان گفتوگۆ کراوە.
سەفین دزەیی لە کۆبونەوەکەدا گوتوویەتی “هەڵوێستی حکومەتی هەرێم لەبارەی گرژییەکان و ململانێی نێوان ئەمریکاو ئێران ئەوەیە، کە هەرێمی کوردستان بێلایەن بێت و نەبێتە بەشێک لەو ململانێیە”.
لە راگەیەندراوەکەدا ئەوەش خراوەتەڕو، تەوەرێکی دیکەی کۆبونەوەکە تایبەت بو قسەکردن لەسەر میکانیزمەکانی توندوتۆڵکردنی پەیوەندییەکانی نێوان لیژنەى پهیوهندییهكان و فەرمانگەى پهیوهندییهكانی دهرهوه هەردولا لەسەر ئەوە کۆکبون کە پێویستە هەماهەنگی و بەرەوپێشبردنی پەیوەندیەکانی نێوانیان لەسەر سێ بنەما بێت ئهوانیش بنەمای وەزیفی، بنەمای کارگێڕی، بنەمای پەیوەندییەکان.
هاوکات لەبارەی رەشنوسی یاسای ڕەوەندی کوردستانی گفتوگۆ کرا، وەک تەوەری سێیەم و سەرەتا لەلایەن سەرۆکی لیژنەوه باس لە دواھەنگاوەکانی بە یاساییکردنی ڕەشنوسەکە بۆ شاندی فەرمانگەى پهیوهندییهكان کراو داواشى لە شاندی میوان کرد کە پڕۆپۆزەڵێک ئامادە بکەن و تیایدا هەم تێبینییهكانیان لەسەر بڕگەکانی ڕەشنوسەکەو هەمیش ڕاو پێشنیازهكانیان بخەنەڕو و بۆ لیژنەكهى بنێرن.
