شلێر سەعید-هەولێر
ئەندام پەرلەمانێكی كوردستان رایدەگەیەنێت: پڕۆژەیاسای چاکسازی زۆر گرنگە و دەتوانرێت بە گەڕانەوەی داهات لە كەمكردنەوەی موچەی پلەباڵاكان بۆ حكومەت، خزمەت بەخەڵك بكرێت.
پرۆژەیاسای چاکسازی لە ٢١ ماددە پێکهاتووە، لەکابینەی هەشتەمی حکومەت گەڵاڵەکرا. رۆژی یەکشەممە ١٢-١-٢٠٢٠، پەرلەمانی کوردستان خوێندنەوەی دووەمی بۆ پرۆژەیاسای چاکسازی لە موچە و خانەنشینی و دەرماڵە و ئیمتیازاتەکانی دیکە دەستپێکرد، بڕیارە کاتژمێر١١ی سەرلەبەیانی ڕۆژی پێنج شەممە بخرێتە دەنگدانەوە.
لە لێدوانێكی تایبەتدا بژار کۆچەر، سەرۆکی لیژنەی یاسایی و ئەندامی فراكسۆنی پارتی لە پەرلەمانی کوردستان، لەبارەی كۆبونەوەی ئەمڕۆی پەرلەمان بەنوچەی ڕاگەیاند: كۆبونەوەكان لەسەر پڕژە یاسای چاكسای یەكجار زۆرن شەوی ڕابردوو تا درەنگانی شەو لە گفتۆگۆ دابوین و ئەمڕۆش بەهەمان شێوە كۆبونەوەكانمان بەردەوام دەبێت، سبەی (پێنج شەممە ١٦-١-٢٠٢٠ ) كۆبونەوەی پەرلەمان تەنها دەنگ دان دەبێت لەسەر پڕۆژەكانی یاسای چاكسازی.
دەربارەی لایەنی ئەرێنی پڕژە یاساكە، بژار دەڵێت: لایەنی ئەرێنی ئەم پڕۆژەیاسایە لەوەدایە، کە یەکەم جارە پەرلەمان لەم خولەدا موچەی خانەنشینی خۆی کەمبکاتەوە، ئەگەر دەنگی لەسەر بدرێت، پەرلەمانتار بە رێژەی ٪١٥ خانەنشین دەکرێت، لەسەروی تەمەنی ٤٥ ساڵی و ماوەی ١٥ ساڵ خزمەتی هەبێت، بەم شێوە تا ڕاددەیەك جیاوازی نامێنی لە نێوان موچەخۆران و خەڵك و دادپەروەری زۆری تێدایە.
بەرای ئەو پەرلەمانتارە، ئەوانەی بە شەهید دانراون کە لە ڕاستیدا وانییە ئەو كەیسانە یەكلایی دەبێتەوە بۆیە پڕۆژەیاساكە زۆر گرنگە.هاوکات دەڵێت: هیوادارم بە گەرانەوەی داهات بۆ حكومەت، خزمەت بەخەڵك بكات بەتایبەت ئەوانەی خانەنشینیان زۆر كەمە .
