نوچەنێت
هەر سێ وڵاتی بەریتانیا، ئەڵمانیا و فەڕەنسا پرسی ئێران دەبەنە کۆمیتەی هاوبەش و ئەنجومەنی ئاسایش.
ئەمڕۆ سێشەممە، ١٤-١-٢٠٢٠، هەرسێ وڵاتی بەریتانیا، ئەڵمانیاو فەرەنسا، ڕاگەیێندراوێکی هاوبەشیان بڵاوکردەوە کە تێیدا هاتووە، بە لەبەرچاوگرتنی ئەوەی کە ئێران لە پابەندنەبوونی بە بەڵێنەکان لە ڕێککەوتنی ناوکی بەردەوامە، ئێمە نیگەرانیی خۆمان دەردەبڕین و بەپێی ڕێککەوتنەکە دەگەڕێینەوە بۆ کۆمیتەی هاوبەش.
هەرسێ وڵات رایانگەیاندووە، کە ئامانجیان لەم کارە پاراستنی ڕێککەوتنی ناوکییە لەگەڵ ئێران و پابەندبوونی ئێرانە بە بەڵێنەکانی.
هەربەپێیی راگەیێندراوەکە، بەپێی میکانیزمی کۆمیتەی هاوبەش ئەگەر بێت و ئەو گرفتە لەوێ چارەسەر نەکرێت، پرسەکە دەگەڕێتەوە بۆ ئەنجومەنی ئاسایشی نەتەوە یەکگرتووەکان و ئەگەر بێت و ئەنجومەنی ئاسایش ئێران بە پێشێلکاری ڕێککەوتنەکە مەحکوم بکات، هەموو گەمارۆکانی ئەنجومەنی ئاسایش کە پێش ڕێککەوتەنەکە لە ئارادا بوون، بەبێ هیچ کات و پرۆسەیەک دەکەونەوە گەڕ و ئێران بە توندی سزا دەدرێت.
