نوچە
سهرۆكی ههرێمی كوردستان، نێچیرڤان بارزانی، وهڵامی ئهمینداری گشتی حزبوڵڵای لوبنانی دایهوه و رایگهیاند، له وتارێکدا دوور لە شێواز و ئەتەکێتی سیاسى، به شێوەیەکی نەشیاو دهرههق به سهرۆك مهسعوود بارزانى و قوربانیدان و قارەمانيهتي پێشمەرگە، قسەی کردووە.
لەبەشێکی دیکەی راگەیێندراوەکەدا هاتووە، گهلى كوردستان ههميشه به هاوكارييهكانى دۆستانى دهزانێت و به ڕێزهوه لهو پشتگيرييهى ئهوان دهڕوانێت و قهت لهبيرى ناكات.
دهقی راگەیێندراوەکە:
بهڕێز حهسهن نهسروڵڵا، ئهميندارى گشتيى حزبوڵڵاى لوبنانى له وتارێکدا دوور لە شێواز و ئەتەکێتی سیاسى، به شێوەیەکی نەشیاو دهرههق به سهرۆك مهسعوود بارزانى و قوربانیدان و قارەمانيهتيی پێشمەرگە، قسەی کردووە. جێگهى داخه کەسێکی وەک بهڕێز نەسروڵڵا بەبێ ڕەچاوکردنی ڕۆڵی مێژووییانەی سەرۆک بارزانی لە بەرەنگاربوونەوەی ڕژێمە دیکتاتۆریيەکان و ڕۆڵی مەیدانیانەی لە تێکشکاندنی داعشدا، بەو شێوەیە هەستی گەلی کوردستان بریندار بکات.
سەرۆک بارزانی ههموو تهمهنى خۆى لە بەرەنگاربوونەوەی ستەم و ستەمکاران و لهپێناو ئازاديى گهلهكهيدا بهخشيوه، لە شەڕی بەرەنگاربوونەوەی داعشیشدا وەک فەرماندەی هێزی پێشمەرگە بە شێوەیەکی ڕاستهوخۆى مەیدانی و لەگەڵ هێزی پێشمەرگە لە سەنگەردا، ڕۆڵێکی قارەمانانەی نواند کە هەموو گەلی کوردستان و زۆر لە سەرکردەکانی جیهان بۆ ئازایەتيی پێشمەرگە و جهنابى سهرۆك، شايهتييان دا.
گهلى كوردستان ههميشه به هاوكارييهكانى دۆستانى دهزانێت و سوپاسى ههموو ئهوانه دهكات، كه له شهڕى دژى داعشدا يارمهتي ههرێمى كوردستانيان داوه، به ڕێزهوه لهو پشتگيرييهى ئهوان دهڕوانێت و قهت لهبيرى ناكات.
گهلى كوردستان و پێشمەرگە زیاتر لە سەدەیهكە بەرەنگاری گەورەترین و دڕاندانەترین هێرشی قڕکاری بوونەتەوه، له شهڕى داعشيشدا هەرێمی کوردستانيان پاراست و بەشدار بوون لە پاراستن و ڕزگارکردنی زۆر شوێنی دیکەی عێراق، ئەمڕۆش پاراستنی ئاشتی و پێکەوەژیان و بەرەنگاربوونەوەی تیرۆر، بە ئهركى هەرە لەپێشی خۆيان دەبينن، له كاتێكدا دۆخى ناوچهكه وا دهخوازێت ههموومان كار بۆ ئارامكردنهوه و گێڕانهوهى سهقامگيرى بكهين.
نێچيرڤان بارزانى
سهرۆكى ههرێمى كوردستان
١٣-١-٢٠٢٠
