هاتووچۆی سلێمانی هاوڵاتیان ئاگاداردەکاتەوە

نوچەنێت

بەڕێوەبەرایەتی هاتووچۆی پارێزگای سەبارەت بە کەشوهەوای شارەکە هۆشداری دەدات.

ئەمڕۆ ئێوارە، ١٣-١-٢٠٢٠، به‌ڕێوەبه‌رایه‌تی هاتوچۆی پارێزگای سلێمانی ئاگادارییەکی بڵاوکردەوە تێیدا هاتووە “به‌هۆی ئه‌و شه‌پۆلی به‌فر بارینه‌ی سنوری شاخی ئه‌زمڕ ‌و گۆیژه‌‌ و دۆڵه‌ڕووتی گرتووه‌ته‌وه‌، بۆ كاری زۆر پێویست نه‌بێت سه‌ردانی ئه‌و شوێنانه‌ نه‌كه‌ن”.

ده‌قی ئاگادارییه‌كه‌

ئاگادارییه‌ك له‌ به‌ڕێو‌به‌رایه‌تی هاتوچۆی پارێزگای سلێمانییه‌وه‌

به‌ڕێوه‌به‌رایه‌تی هاتوچۆی پارێزگای سلێمانی ئاگاداری شۆفێران ده‌كاته‌وه‌، به‌هۆی ئه‌و شه‌پۆلی به‌فر بارینه‌ی سنووری شاخی ئه‌زمڕ‌و گۆیژه‌‌ و دۆڵه‌ڕووتی گرتووه‌ته‌وه‌، بۆ كاری زۆر پێویست نه‌بێت سه‌ردانی ئه‌و شوێنانه‌ نه‌كه‌ن، بۆ ئه‌وه‌ی تووشی رووداوی هاتوچۆ نه‌بن ‌و گیانیان پارێزراو بێت.