نوچە
نێچیرڤان بارزانی، سەرۆکی هەرێمی کوردستان، بەبۆنەی کۆچی دوایی سوڵتان قابووس بن سەعید، سوڵتانی عومان، پرسە و سەرەخۆشی ئاراستەی سوڵتانی نوێ، حکومەت و گەلی عومان کرد.
سەرۆکی هەرێمی کوردستان لە پەیامەکەیدا هیوای خواستووە گەلی عومان هەردەم لە ئاشتی و سەقامگیری و پێشکەوتندا بن.
دەقی پرسەنامەکەی سەرۆکی هەرێمی کوردستان:
خاوەنشكۆ سوڵتان هەیسەم بن تارق ئال سەعید
سوڵتانی عومان، خوا بتانپارێزێ..
سڵاوى خواتان لێ بێت.
بە داخ و پەژارەیەكی زۆرەوە هەواڵی كۆچی دواییی خاوەنشكۆ سوڵتان قابووس بن سەعید بن تەیمورمان پێگەیشت. بەو بۆنە خەمناکەوە پرسە و سەرەخۆشیی گەرم لە بەڕێزتان و لە ڕێی ئێوەشەوە لە خانەوادەی پایەدارتان و هەموو گەلی عومانی دۆست دەكەم. لە خوای گەورە تكاكارم كۆچكردوو بە بەهەشتی بەرینی خۆی شاد بكات و لەم كۆستە سەختەدا سەبووری و ئارامیتان پێ ببەخشێ و گەل و وڵاتەكەتان هەردەم لە ئاشتی و سەقامگیری و پێشكەوتندا بن.
نێچیرڤان بارزانی
سەرۆكی هەرێمی كوردستان
١١-١-٢٠٢٠
