نوچە
سوڵتانی عوممان پاش پێنج دەیە لە حکومڕانی لە تەمەنی ٧٩ ساڵیدا کۆچی دواییکرد.
ئەمڕۆ لە راگەیێندراوێکدا دادگای شاهانەیی عوممان مردنی سوڵتان قابووسی راگەیاند و بەپێی دەستووری وڵاتەکەش لە ماوەی سێ رۆژدا دەبێت جێنشین دیاریبکرێت.
قابووس بن سەید لە ١٨-ی تشرینی دووەمی ١٩٤٠ لەدایکبووە، لە هیندستان خوێندوویەتی و ئەکادیمیای سەربازی تەواوکردووە. هەروەها ئەو سوڵتانە هیچ جێنشینێکی نییە، ژیانی هاوژینی پێکنەهێناوە و منداڵ و برایشی نییە. بۆیە تاوەکو ئێستا روون نییە کێ دەبێتە جێنشینی.
ئەو سوڵتانە لە ساڵی ١٩٧٠ بە کودەتایەکی سپی دەسەڵاتی لە باوکی وەرگرتووە لەوکاتەی عوممان وڵاتێکی دابڕاو و هەژار بوو، بەڵام لەسەر دەستی سوڵتان قابووس بووە وڵاتێکی دەوڵەمەند و گەشتیاریی ئەوەش بە سوودوەرگرتن لە کەرتی نەوتی ئەو وڵاتە.
