نوچە
رێبەری ڕەوتی سەدر لە نووسینێكدا، ڕەخنەی لە عادل عەبدولمەهدی سەرۆك وەزیرانی دەستلەكار كێشاوە گرتووە بەوەی زانیویەتی، كە ئێران بنكە سەربازییەكانی عێراق بۆردومان دەكات و هیچی نەدركاندووە. داواشی كردووە تەواوی بارەگاكانی حەشدی شەعبی دابخرێن.
موقتەدا سەدر ڕێبەری ڕەوتی سەدر، لە هەژماری خۆی لە تۆڕی كۆمەڵایەتی تویتەردا رایگەیاندووە، بەر لە بۆردومانەکەی دوێنێ شەو، ئێران و ئەمریكاش پەیوەندییان بە سەرۆکوەزیرانەوە كردووە، بەڵام ئاشكرا نەبووە، كە داخۆ سەرۆكوەزیران رەزامەندی داوە لەسەر ئەو هێرشە یان نا؟ بەس خوا دەزانێ.
سەدر هەروەها داوای كردووە، چالاكیە سەربازییەکانی ئێران و ئەمریكا كۆتاییان پێبێت، تەواوی بارەگاکانی میلیشیاكانی حەشدی شەعبییش لە عێراق دابخرێن، بۆ ئەوەی چیتر نەكەونە بەر تۆپبارانكردن و هێرشەوە.
موقتەدا سەدر دووبارە داوای دیاریکردنی كەسێكی كردووە بۆ وەرگرتنی پۆستی سەرۆک وەزیرانی كاتی، بۆ ئەوەی سەروەری بۆ عێراق بگەڕێنێتەوە، بەڵام ئەمجارە پێشنیازی كردووە پێنج كەس دیاری بكرێن و یەكێكیان هەڵبژێردرێت.
