نوچەنێت
سەرۆکی هەرێمی کوردستان، پیرۆزبایی لە پەیڕەوانى کەنیسەی ئەرمەنیی ئۆرتۆدۆکس لە کوردستان، عێراق و جیهان دەکات و دەڵێت: هەرێمی کوردستان لانەى پێکەوەژیانە.
نێچیرڤان بارزانی، سەرۆکی هەرێمی کوردستان بەبۆنەی جەژنی لە دایکبوونی لە پەیامێکدا رایگەیاند “لەم یادەدا جەخت لە پاراستن و پتەوترکردنی بنەماکانی ئەم کولتور و بەهایانە دەکەینەوە و هەموومان پێکەوە لەپێناو قووڵکردنەوەیاندا کاردەکەین”.
دەقی پەیامی سەرۆکی هەرێمی کوردستان:
جەژنی لەدایکبوونی حەزرەتی مەسیح بە گەرمى لە هەموو خوشک و برایانى پەیڕەوانى کەنیسەی ئەرمەنیی ئەرتۆدۆکس لە کوردستان و عێراق و جیهان پیرۆز دەکەم. هیوادارم جەژن ببێتە مایەی خێر و خۆشیی کوردستانییان و سەرجەم گەلان و بەرقەراربوونی ئاشتی و ئارامی لە ناوچەکەماندا. هەرێمى کوردستان، لانەى پێکەوەژیان و لێبوردەیی و ماف و ئازادییەکانی سەرجەم پێکهاتە نەتەوەیی و ئایینییەکانیەتی، لەم یادەدا جەخت لە پاراستن و پتەوترکردنی بنەماکانی ئەم کولتوور و بەهایانە دەکەینەوە و هەموومان پێکەوە لەپێناو قووڵکردنەوەیاندا کاردەکەین. جەژن و پشوویەکى ئارام بۆ هەمووان دەخوازم و هەموو ساڵێک بە خۆشى.
نێچیرڤان بارزانى
سەرۆکى هەرێمى کوردستان
6-1-2020
