نوچەنێت
ئەنجومەنی هاریکاری کەنداو لە راگەیێندراوێکی وڵاتانی کەنداو بەرامبەر روداوەکانی ئێستای عێراق و ناوچەکە نیگەرانن و داوا دەکەن، هەموو لایەک هەوڵی کەمکردنەوەی گرژییەکان و پاراستنی ئاسایشی ناوچەکە بدەن.
رۆژی ٣-١-٢٠٢٠، قاسم سلێمانی، فەرماندەی سوپای قودسی پاسدارانی ئێران، لەلایەن ئەمریکاوە کوژرا. دوای ئەوە ئێران هەڕەشەی تۆڵەکردنەوە دەکات و چاودێرانیش دەڵێن، عیراق دەکرێتە گۆڕەپانی تەسفیەی سیاسی ئێران و ئەمریکا.
ئەمڕۆ دووشەممە، ٦-١-٢٠٢٠، عەبدولەتیف زیانی، ئەمینداری گشتی ئەنجومەنی هاریکاری کەنداو رایگەیاند”وڵاتانی کەنداو بە دودڵی و گرنگییەوە چاودێری گۆڕانکارییە مەترسیدارەکانی عێراق دەکەن و داوا دەکەن، چارەسەری سیاسی بۆ کێشەکان و بەدورگرتنی ناوچەکە لە توندوتیژی پێشبخرێت”.
هەر لە راگەیێندراوەکەدا، داوا لە کۆمەڵگەی نێودەوڵەتی دەکەن بەرامبەر پاراستنی ئاسایشی رۆژهەڵاتی ناوەڕاست بە بەرپرسیارییەتی خۆی هەڵبستێت.
