نوچە
ئەمڕو (دووشەممە ۳۰ـ۱۲ـ۲۰۱۹) لە سلێمانی لیژنەهاوبەشەکانی قایمقامیەتی سلێمانی دەستبەسەر بڕێکی زۆر برنج دا دەگرن و خاوەنەکەشی سزا دەدرێت.
لیژنەهاوبەشەکانی قایمقامیەتی سلێمانی بەدەزگاکانی ڕاگەیاندیان ڕاگەیاند: کە دەستیان بەسەر بڕێکی زۆر لە برنجدا گرتووە، کە ئەسپێی هەڵهێناوە و شیاوی خواردن نییە.
گوتیشیان هۆکاری ئەسپی هەڵهێنانەنەکە بۆ ئەوە دەگێڕێتەوە، کە بەشێوەیەکی ناتەندروست و لە پلەیەکی گەرمی بەرزدا عەمبارکراوە.
بەپێی رێنمایی تەندروستییەکان نابێ ئەوخواردنانە بخورێت، کە مێرووی هەڵهێناوە، چونکە زیان بە تەندروستی مرۆڤ دەگەیەنێت، هاوکات خاوەنی کۆگای برنجەکە بەنیاز بووە پاکی بکاتەوە و لە بازاڕەکانی شاری سلێمانی بەسەرهاوڵاتیاندا ساغی بکەنەوە.
قائیمقامیەتی سلێمانی ئاشکراشی کرد، تەواوی برنجە دەستبەسەرداگیراوەکە لەناو دەبات و خاوەنەکەشی رووبەڕووی یاسا دەکاتەوە.
