نوچە–ئاژانسەکان
گوتەبێژی وەزارەتی دەرەوەی عێراق دەڵێت ٦٩٨منداڵی داعشیان ڕادەستی وڵاتانی خۆیانکردووە و ئەم ڕەوتەش بەردەوام دەبێت.
بەم پێیە، عێراق هاوشێوەی تورکیا، منداڵانی ئەندامانی داعش ڕادەستی وڵاتانی پەیوەندیدار دەکاتەوە.
وەزارەتی دەرەوەی عێراق بەهەماهەنگی لەگەڵ دیوانی باڵای دادوەری و هێزە ئەمنیەکان، پرۆسەی ناردنەوەی منداڵانی داعشی دەستپێکردووە.
ئەو وڵاتانەی کە ئەم منداڵانەیان ڕادەستکراوە بریتین لەتورکیا، ڕوسیا، تاجیکستان، ئازەربایجان، ئەڵمانیا، فەڕەنسا، سوید، جۆرجیا، بلارۆس، ئۆکرانیا، جەزایر، ئۆزبەکستان و کازاخستان.
گوتەبێژی وەزارەتی دەرەوەی عێراق ئەوەش دەخاتەڕوو کە بەڕێگەی ئاگادارکردنەوەی باڵیۆزانی وڵاتانی پەیوەندیدار، ئەم منداڵانە ڕادەستدەکرێنەوە. ڕوسیا تاکوو ئێستا ١٢٢ منداڵی داعشی ڕادەستکراوەتەوە.
