نوچە
ژمارەیەک چەکداری دەمامکدار لە گۆڕەپانی تەحریر تەقەیان لە خۆپیشاندەرانی بەغدا کرد و لە ئەنجامدا ١٢ کەس گیانیان لەدەستدا و ٤٥ کەسی دیکەش برینداربوون.
خۆپیشاندانەکانی عێراق لە ١-١٠-٢٠١٩، لە بەغدا و چەند پارێزگایەکی دیکەی عێراق دەستیپێکردووە و ئێستاش هەر بەردەوامە؛ بەپێی ئامارەکان، تاوەکو ئێستا نزیکەی ٥٠٠ کەس کوژراون و زیاتر لە ١٧ هەزار کەسی دیکەش برینداربوون.
بەگوێرەی زانیارییەکان، شەوی رابردوو (٦-١٢-٢٠١٩) ژمارەیەک چەکداری دەمامکدار بە چوار ئۆتۆمبێل بە گۆڕەپانی تەحریردا تێپەڕین و تەقەیان لە خۆپیشاندەران کردووە و لە ئەنجامدا ١٢ کەس کوژران و ٤٥ کەسی دیکەش برینداربوون.
