نوچە-ئاژانسەکان
سەرۆکی دەزگای دیپلۆماسی ئیسرائیل دەڵێت، شاندێکی ئەم وڵاتە سەردانی ئەمریکای کردووە و ئامانج لەم سەردانەش تاوتوێکردنی ڕێککەوتنێک لە نێوان تەلئەبیب و وڵاتانی عەرەبیدایە، کە بەو پێیە لە دۆخی نائاساییدا هێرش نەکەنە سەر یەکتر.
ئیسرائیل کاتز، وەزیری دەرەوەی ئیسرائیل، ڕوونکردنەوەی زیاتر لە بارەی سەردانی شاندی وڵاتاکەی بۆ واشنتۆن دەدات و ئاشکراشی دەکات، کە لە داهاتوویەکی نزیکدا ڕێککەوتنی ئاشتی لە نێوان ئیسرائیل و وڵاتانی عەرەبی کەنداو واژۆ دەکرێت.
بە گوتەی چاودێرانی سیاسیی و سەربازی، ئامانجی سەرەکی ئەم ڕێککەوتنە، پێکهێنانی جۆرێک هەواڵبەندییە لە دژی ئێران، کە لایەنەکانی ئەم ڕێککەوتنە تاران بە دوژمنی هاوبەشی خۆیان ئەژمار دەکەن.
