نەوزاد عەلی-سلێمانی
ئەندامێکی هەموارکردنەوەی لیژنەی دستووری عێراق ڕایدەگەیەنێت، تاکو ئێستا هیچ مادەیەکی دەستووری لەناو لیژنەکەدا گفتوگۆی لەسەر نەکراوە.
پرسی ههمواركردنهوهی دهستووری عێراق، کە یهكێک بوو له داواکاریییە سەرەکییەکانی خۆپیشاندهرانی عێراق، ئەنجوومەنی نوێنەرانی عێراق لیژنەیەكی بۆ هەمواركردنەوەی دەستوور پێكهێنا و بڕیاردرا له ماوهی ٤ مانگدا دهستووری عیراق ههموار بكرێتهوه.
لە لێدوانێکی تایبەت بە نوچە، رێبوار هادی، ئەندامی لیژنەی هەمواری دەستووری عێراق، سەبارەت بە کارەکانی لیژنەکەیان، ڕایگەیاند “تاکو ئێستا لیژنەی هەمواركردنەوەی دەستووری عێراق پێنج کۆبوونەوەی ئەنجامداوە و هەموو کۆبوونەوەکانیش بۆ ئەوەبوون نەخشەڕێگایەك دابنێین تا بزانین بەچ شێوازێک دەست بە هەمواركردنەوەی بكەین و ئەو ماددانەش دیاری بكەین كە هەموار دەكرێنەوە”.
رێبورا هادی، گوتیشی”دانیشتن لەگەڵ کەسانی ئەکادیمی، شارەزا لە بواری دەستوور و ڕێکخراوەکانیش کراوە لەسەر پرسی هەموارکردنەوەی دەستووری عێراق، بەڵام تاکو ئێستا هیچ مادەیەکی دەستووری لەناو لیژنەکەدا گفتوگۆی لەسەر نەکراوە”.
ناوبراو ئاماژە بەوەشدەکات، کە دوو بۆچوون هەیە بۆ هەموارکردنەوەی دەستوور، بۆچونێک پێیوایە دەبێت لە یەکەم ماددەوە دەستپێبکەین تا دەگەینە کۆتایی گفتوگۆی بکەین، بەڵام بەپێی دەستووری عێراق ٤ مانگ دەرفەت هەیە بۆ هەموارکردنەوەی، ئێستا سێ مانگمان لەبەردەست ماوە، ئایا لەو ماوەیەدا دەتوانین هەموو ماددەکانی هەموار بکەینەوە؟ بەدڵنیاییەوە نەخێر فریا ناکەوین.
لە بارەی بۆچونی دووەم دەڵێت “بۆچوونەکەی دیکە ئەوەیە دەبێت هەندێک ماددە ئەوانەی، کە پێویستن و هەنوکەین هەموار بکرێنەوە، ئەو ماددانەش، تائێستا لەناوخۆمان لەسەری ڕێکنەکەوتووین”.
