نوچەنێت
وتەبێژی حكوومەتی ھەرێمی كوردستانرایگەیاند: گفتوگۆی نێوان هەولێر و بەغدا بۆ گەیشتن بە ڕێككەوتنی كۆتایی بەردەوام دەبێت.
ئەمڕۆ یەکشەممە، ٢٤-١١-٢٠١٩، مەسرور بارزانی، سەرۆکی حکوومەتی هەرێمی کوردستان، لەگەڵ شاندی دانوستانکاری نێوان هەولێر و بەغدا کۆبووەوە.
دوابەدوای کۆبوونەوەکە، جوتیار عادل، وتەبێژی حكوومەتی ھەرێمی كوردستان لە كۆنفرانسێكی رۆژنامەوانیدا ڕایگەیاند”گفتوگۆی نێوان ھەولێر و بەغدا، بە ڕێنمایی و سەرپەرشتی ڕاستەوخۆی مەسرور بارزانی سەرۆكی ئەنجوومەنی وەزیرانی ھەرێمی كوردستان، بەردەوامە و ھەردوولا گەیشتوونەتە لێكتێگەیشتنی باش”.
هاوکات گوتی “سبەی دووشەممە بۆ درێژەدان بە گفتوگۆكان، شاندی حكوومەتی ھەرێمی كوردستان سەردانی بەغدا دەکاتەوە”.
