نوچە-تایبەت
دوای ئەوەی شارەکانی ڕۆژهەڵاتی کوردستان، وێڕای شارە گەورەکانی ئێران دژ بە بڕیاری گرانبوونی نرخی بەنزین دەستیان کرد بە خۆپیشاندان، کاردانەوەی توندوتیژیی هێزە ئەمنیەکان و سوپای پاسدارانی لێکەوتەوە.
بە گوێرەی سەرچاوەیەکی مەیدانی تەنها لە شاری جوانڕۆی سەر بە پارێزگای کرماشان، لانیکەم دە کەس لە خۆپیشاندەران کوژراون و ژمارەیەکی زۆرتریش بریندار بوونە.
هەروەها لە شاری مەریوان، تاکو ئێستا کوژرانی دوو هاووڵاتی پشتڕاست کراوەتەوە و چەندین کەسی دیکەش بریندار بوونە.
هەروەها لە شاری کرماشان، چەندین کەس بریندار بوونە و ژمارەیەکی بەرچاویش دەستبەسەر کراون.
هێزە ئەمنیەکانی رژێمی ئێران تەقەی ڕاستەوخۆیان لە خەڵک کردووە و گازی فرمێسک ڕێژیان بەکارهێناوە.
ڕۆژی ڕابردوو بە دەیان بنکە و بانک و دامەزراوەی دەوڵەتی لە لایەن خۆپیشاندەرانەوە کراونەتە ئامانج.
