نوچه
كۆشکی سپی داوای کۆتاییهێنان بە تووندوتیژی و ئاڵۆزییەکانی عێراق دهكات و دهڵێت ”وڵاتەکە بەرەو هەڵبژاردنی پێشوەختە هەنگاو بنێت”.
لە راگەیەندراوێکدا کۆشکی سپی دەڵێت “عێراقییەکان دەستبەستراو نامێنن بەرامبەر بە هەدەردانی سامانەکانی عێراق لەلایەن ئێران و بەکارهێنانی گروپی چەکدار بۆ رێگریکردن لە ئازادی رادەربڕین و بۆچوونیان بە ئاشتی. ئەمریکاش هاوشێوەی بەرنامەی هاریکاری UN داوا لە عێراق دەکات توندوتیژییەکان دژی خۆپیشاندەران بووەستێندرێت و پەیمانی سەرۆک بەرهەم ساڵح جێبەجێبکرێت، کە جەخت لە چاکسازی لە هەڵبژاردنەکان و ئەنجامدانی هەڵبژاردنی پێشوەختە دەکاتەوە”.
ههروهها لە راگەیەندراوەکەدا ئەمریکا نیگەرانی خۆی لە بەردەوامی هێرش بۆ سەر خۆپیشاندەران و چالاکڤانانی مەدەنی و راگەیاندکاران لە عێراق دەربڕیوە و نیگەرانیشە لە راگرتنی هێڵی ئینتەرنێت لە سەرانسەری عێراق.
کۆشکی سپی هەروەها راشیگەیاندووە “سەرەڕای ئەوەی تووندوتیژی بەرامبەر خۆپیشاندەران بەکاردێت و رێگەنادرێت دەستیان بگاتە ئینتەرنێت، بەڵام دەنگی گەلی عێراق بیستراوە، کە داوای هەڵبژاردن و چاکسازی دەکات”. داواشدەکات “کۆتایی بە تووندوتیژی و ئاڵۆزییەکانی عێراق بێت و وڵاتەکە بەرەو هەڵبژاردنی پێشوەختە هەنگاو بنێت”.
کۆشکی سپی لە کۆتایی راگەیەندراوەکەیدا داوا لە کۆمەڵگەی نێودەوڵەتی دەکات، لەگەڵیان بن بۆ پاڵپشتیکردنی داهاتووێکی باشتر بۆ خەڵكی عێراق.
