نوچە-ئاژانسەکان
گوتەبێژی وەزارەتی دەرەوەی ئەمریکا، بەرامبەر بە بڕیاری ئێران بۆ هەڵگرتنی هەنگاوی چوارەم و پیتاندنی یۆرانیۆم بە ڕێژەیەکی زیاتر، هەڵوێستی وەرگرت.
گوتەبیژی وەزارەتی دەرەوەی ئەمریکا رایگەیاند: بڕیاری ئێران لەبارەی پیتاندنی یۆرانیۆم بە رێژەیەکی زیاتر ئێمەی تووشی سەرسوڕمان نەکرد، چونکە ئێران بەردەوام پێداگری لە سەر پێشێلکردنی خاڵەکانی ڕێککەوتنی ئەتۆمی کردووە.
مۆرگان ئۆرتاگوس، گوتەبێژی وەزارەتی دەرەوەی ئەمریکا دەڵێت: هیچ متمانە و هیوایەکمان بە گۆڕینی ڕەفتاری سیاسیی ئێران نییە.
بە گوتەی ئۆرتاگوس، ئێران بەردەوامە لە پاڵپشتیکردنی حزبولڵای لوبنان، هاوبەشەکانی لە ناوچە و بۆ ئەم مەبەستە بۆتە سەرچاوەیەکی دارایی بۆ ئەم گروپە تیرۆریستیانە.
