تەوەر : داعش، عێراق، کوردستان.
…………………………….
عیراق بەرەو كوێ ؟
د. دڵشاد عەبدولڕەحمان بۆ تەوەری نوچەنێت
لەوكاتەوەی كەبەشێك له كوردستان و به شێك له عەرەبستان، كەلێرەدا مەبەستمان لەبەشیك لەووڵاتی عەرەبانە، بەپێی رێكکەوتننامەی سایكس بیكۆ بەیەكەوه لكێنران و عیراقیان لێ پێكهێنا ، خوێن لەجەستەی ئەم عیراقه دەرژێ، ئەوه بۆ سەد ساڵ دەچێ نەئەم عیراقه بوو بەنیشتمانی هەموان، نەهەموانیش عیراق بەووڵاتی خۆیان دەزانن، سەری سێ پێكهاتەی جیاواز خزێنراونەته مەنجەڵێكەوه كەعیراقی ناوه، بەدرێژایی ئەومیژووه جەستەوخوینی عیراقییەكان، بونەته كەره ستەی بەردەوامبوونی ئاگری ژێر ئەو مەنجەڵه، ئەمه واقعی عیراقه، بەدرێژایی تەمەنی سەدساڵەی.
هۆكارەكان زۆرن ودیاریشن، پێویست بەدووباره كردنەوه ناكەن، ئەوەی گرنگە بووترێت سەبارەت بەكڵپەی ئەم ئاگرەی كەئێستا لەدەڤەری سوننەوه جەستەی عیراق دەسوتێنی و ره نگه پریشكیشی بەر كوردستان بكەوێ، تەنها ئاوێك كە ئەوئاگره دابمركێنێتەوه هەڵوەشاندنەوەی سەرلەنوێی ئەم عیراقەیەو داڕشتنەوەیەتی بەشێوازێكی تەواو جیاواز، ئیتر پینەوپەرۆكردنی ئەم عیراقه، غەدرێكی گەورەیه لەخەڵكی عیراق دەكرێت بەسه رجەم پێكهاتەكانییەوە، چونكه هەموو ئەو چارەسەرانە كاتین و تەنها پشوویەك دەبن بۆ جەنگاوەرە ماندووەكان.
لەمە بەدوا پێویسته سەركردایەتی كورد، بەكەمتر لەشێوازی كۆنفیدراڵی بۆ كوردستان، بەتەواوی سنورەكەیەوه ڕازی نەبێت. دەبێت ئیتر ئەو دەستورە تورهەڵدەین، كەفەشەلی بۆهەموان دەركەوت. پێویستە دەستورێكی نوێ بۆ عیراق بنوسرێتەوە كەدەسەڵات و سامان بەسەر هەرسێ پێكهاتەكەدا دابەش بكات و بەغدا تەنها شوێنی دابەشكردنی داهاتەكانی عیراق وهەماهەنگی نێوان پێكهاتەكان بێت، تەنها سمبولێكی ووڵات بێت، نەك شوێنی حوكمداری عیراق .
ئەی ئەوه چۆن مەیسەردەبێ ؟
دیاره هەنگاو زۆرن دەبێ بنرێن، بەڵام بۆ كورد، گرنگترین فاكتەر، فاكتەری ناوخۆییه، كەده بێ یەك ووتارو یەکهەڵوێست و یەك بریاربین، لەم پرسە چارەنووسسازەدا.
ئێستا بەدەرله استحقاقاتی هەڵبژاردنەكانی پەرلەمان و پارێزگاكان، كوردستان پێویستی بەجۆرێك لەحكومەتی رزگاریی نیشتمانییه، كە ئەركەكانی قۆناغی رزگاریی نیشتمانی، جێبەجێبكات، چونكه ئێستا گرنگترین ئەرك، کەڕووبه ڕوی سەرۆكایەتی هەرێم و پەرلەمان و حكومەت بۆتەوە، جێبەجێكردنی ئەركەكانی قوناغی رزگاری نیشتمانیەو بۆ ئەم مەبەستەش حكومەتی رزگاری نیشتمانی، دەتوانی ئەو ئەركە راپەڕێنێت، ئەگەرچی هەندێ جار و هەندێ جومگەی ئەوحكومەتەش، رەنگە لەگەڵ پێوەرەكانی هەڵبژاردن و دیموكراسی نەگونجێ.
