نوچەنێت
پۆلیسی سلێمانی رایگەیاند، روداوەکەی شەوی رابردووی کوژرانی رۆژنامەنوسان تیرۆر نییە و خۆکوژی بووە.
ئێوارەی ڕۆژی ١٦-١٠-٢٠١٩، رۆژنامەنوسان ئامانج بابانی پێشکەشکاری ئێن ئارتی، لانە محەمەدی هاوسەری و منداڵەکەیان، لەناو ئۆتۆمۆبیلی خۆیان لە شاری سلێمانی کوژران.
کوشتنی ئەم رۆژنامەنوسانە، ڕای گشتی وروژاند و داواکرا لێکۆڵێنەوەی ورد لەم روداوە ئەنجام بدرێت.
ئەمڕۆ پێنج شەممە، ١٧-١٠-٢٠١٩، عەمیید ئاسۆ شێخ تەها، بەڕێوەبەری پۆلیسی سلێمانی لە کۆنگرەیەکی رۆژنامەوانی رایگەیاند” روداوەکەی دوێنێی کوشتنی رۆژنامەنوسەکان خۆکوژی بووە. ئێمە دوای لێکۆڵێنەوەی ورد و بەپێی راپۆرتی دادپزیشکی گەیشتینە ئەم ئەنجامە.
