نوچەنێت
سەرۆکی ویلایەتە یەکگرتووەکانی ئەمریکا و فەرماندەی گشتیی هەسەدە، پەیوەندی تەلەفۆنییان ئەنجامداوەو دۆخی ئێستای ڕۆژئاوای کوردستانیان باس کردووە.
ڕۆژی ٩-١٠-٢٠١٩، سوپای تورکیا هێرشی بەرفراوانی کردە سەر ڕۆژئاوای کوردستان، بەهۆی ئەم هێرشەوە دەیان هاووڵاتی شەهید و بریندار بوون و سەدهەزار کەس ئاوارەبوون.
مایک پێنس، جێگری سەرۆکی ئەمریکا رایگەیاند، دۆناڵد ترەمپ پەیوەندییەکی تەلەفۆنی لەگەڵ مەزڵوم کۆبانێ، فەرماندەی گشتیی هێزەکانی سوریای دیموکرات (هەسەدە) ئەنجامداوە و گفتوگۆیان لەبارەی ئۆپەراسیۆنی تورکیا و بارودۆخی ڕۆژئاوای کوردستان کردووە.
هاوکات ئەوەشی ئاشکراکرد کەدۆناڵد ترەمپ بە تەلەفۆن قسەی لەگەڵ رەجەب تەیب ئەردۆغان، سەرۆک کۆماری تورکیاش کردووە و داوای لێکردووە، هێرشەکانی بۆ سەر ڕۆژهەڵاتی فورات ڕابگرێت.
هەر بەپێی قسەکانی مایک پێنس، ئەردۆغان بەڵێنیداوە هێرش نەکاتە سەر کۆبانێ.
