نوچەنێت
بەشێکی زۆر لە لایەنە سیاسییەکانی هەرێمی کوردستان، بە ئامادەبوونی جەماورێکی زۆر لە خەڵکی هەولێر، لەبەردەم بینای نەتەوە یەکگرتووەکان لە هەولێر کۆبوونەوە و داوای ڕاگرتنی هێرشەکانی تورکیا بۆ سەر ڕۆژئاوای کوردستان دەکات.
بڕیارە ئەمڕۆ وەک(ڕۆژی پشتیوانی لە ڕۆژئاوای کوردستان) لەسەرجەم ناوچەکانی هەرێمی کوردستان، خۆپیشاندان و گردبوونەوەی ناڕەزایی رێکبخرێت.
ئەمڕۆ شەممە ١٢-١٠-٢٠١٩، خۆپیشاندێکی گەورە کە لە ئاستێکی بەرفراوان و لەلایەن لیژنەیەک لە لایەنەسیاسییەکانی هەرێمی کوردستان، لەبەردەم بارەگای نەتەوە یەکگرتووەکان بۆ ئیدانەکردنی هێرشی ترکیا بۆ سەر ڕۆژئاوای کوردستان، کۆبوونەوە.
دروشمەکانیان، داواکردنە لە نەتەوە یەکگرتووەکان و ئەنجوومەنی ئاسایش و یەکێتیی ئەورووپا و سەرجەم کۆمەڵگەی نێودەوڵەتی، ئەرکی خۆیان بەجێ بگەیەنن و گوشار بخەنە سەر تورکیا بۆ ڕاگرتنی هێرشەکانی بۆسەر ڕۆژئاوای کوردستان.
