نوچه: ئاژانسه‌كان
ژماره‌یه‌ك له ژن و كه‌سوكاری چه‌كدارانی داعش له كه‌مپی هۆلی ده‌ورووبه‌ری حه‌سه‌كه رایانكرد.
ئه‌وه له كاتێكدایه، هه‌ر دوێنێ (چوارشه‌ممه ٩-١٠-٢٠١٩) هه‌سه‌ده هۆشداریدا و رایگه‌یاند ”بۆ به‌ره‌نگاربوونه‌وه‌ی له‌شكركێشی سوپای توركیا ناچارن به‌شێكی هێزه‌كانیان بگوازنه‌وه به‌ره‌كانی شه‌ڕ”.
به گوێره‌ی زانیارییه‌كان، دوای ئاگركه‌وتنه‌وه له كه‌مپه‌كه ژماره‌یه‌ك له‌و ژنانه‌ی هاوسه‌ر و كه‌سوكاری چه‌كدارانی داعشن توانیویانه رابكه‌ن.
كه‌مپی هۆل، زیاتر له 70 هه‌زار ژن و منداڵ و كه‌سوكاری چه‌كدارانی داعشی تێدایه و له لایه‌ن هه‌سه‌ده‌وه ده‌پارێزرێت.
