نوچەنێت
سەرەڕای کەوتنەوەی گرژی و ئاژاوە لە ناو خۆپیشاندانەکان و بڵاوکردنەوەی ژمارەیەکی زۆر هێزی ئەمنی و گرتنی رێگەی گۆڕەپانی تەحریر، ئەمڕۆ خۆپیشاندان لە چەند شوێنێکی جیاوازی پایتەختی عێراق دەستیپێکردەوە.
ئەمڕۆ چوارشەممە، ٢-١٠-٢٠١٩، بۆ دووەم ڕۆژ خۆپیشاندان لە شارەکانی عیراق دەستیپێکردەوە. ئێستا لە باکوور، باشوور و ڕۆژهەڵاتی بەغدا خۆپیشاندانە.
بەهۆی گرتنەبەری رێوشوێنی ئەمنی توند، خۆپیشاندانەکەی ئەمڕۆ لە گۆڕەپانی تەحریر نییەو، خۆپیشاندەران لەبەری باکوور، باشوور و ڕۆژهەڵاتی بەغدا بڵاوبوونەتەوە.
دوێنێ کە یەکەم ڕۆژی خۆپیشاندانەکان بوو، گرژی کەوتە ناو خۆپیشاندانەکانەوە، بەپێی ئاماری وەزارەتی تەندروستی عیراق، دووکەس کوژراو و ٢٠٠ کەس برینداربوونە.
چاودێرانی سیاسیی دەڵێن، پێناچێت ئەمجارەش خۆپیشاندانەکان ئامانجەکانیان بەدیبێنن، لەبەر ئەوەی پەرش و بڵاون و هەریەک دروشمێکی بەرزکردۆتەوە.
