نوچەنێت
سەرۆک وەزیرانی عێراق، لەدووەم رۆژی خۆپیشاندانی پارێزگاکانی عیراقدا، پەیامێكی بڵاوکردەوەو بەڵێنی وەڵامدانەوەی داواکارییەکانیانیدا.
لە رۆژی ١-١٠-٢٠١٩، خۆپیشاندان لە بەغدا و بەشێک لە ناوچەکانی تری عیراق دەستیپێکرد. بەگوێرەی ئاماری وەزارەتی تەندروستی عێراق، لە شارەکانی بەغدا و چەند پارێزگایەکی دیکە، ٢ خۆپیشاندەر کوژراو و ٢٠٠کەس برینداربوون. کە بەشێک لە بریندارەکان سەر بەهێزە ئەمنییەکانن.
عادل عەبدولمەهدی، سەرۆک وەزیرانی عێراق، ئەمڕۆ چوارشەممە، ٢-١٠-٢٠١٩،بەیاننامەیەکی بڵاوکردەوەو تێیدا هاتووە”خۆپیشاندان مافێکی سروشتییە، بەڵام هەندێک کەس رێڕەوی خۆپیشاندانی ئاشتیانەیان تێکداوە”.
عادل عبدولمەهدی، ئاماژەی بە هێرشی بەشێک لە خۆپیشاندەران بە بە چەقۆ و شووشەی ئاگردارەوە بۆ سەر هێزە ئەمنییەکان، داوە”بەشێک لە خۆپیشاندەران، دروشمی نایاساییان بەرزکردۆتەوەو بەچەقۆوە هێرشیان کردۆتە سەر هێزە ئەمنییەکان”.
هاوکات سەرۆکوەزیران، بەڵێنی جێبەجێکردنی سەرجەم داواکارییەکانی خۆپیشاندەرانیدا.
