نوچەنێت
بە مەبەستی دیارکردنی سەرۆک و لۆگۆی لیستی هاوپەیمانی کوردستان، بۆبەشداریکردن لە ئەنجوومەنی پارێزگاکانی عێراق، لایەنە سیاسییەکان کۆدەبنەوە.
ھەڵبژاردنی ئەنجوومەنی پارێزگاكانی عێراق لە١-٤-٢٠٢٠، ئەنجامدەدرێت. لایەنە كوردستانییەكان لەسەر ئەوە رێككەوتوون، کە لە سنووری پارێزگاكانی كەركوك، نەینەوا، دیالە، سەڵاحەدین، بە لیستی ھاوبەش بەشداری ھەڵبژاردنەكە بكەن.
لایەن بەشداربووەکانی هاوپەیمانی کوردستانی، بریتییە لە ١٣ حزب، بڕیارە ئەمڕۆ سێشەممە، ١-١٠-٢٠١٩، لە سلێمانی بەمەبەستی دیاریکردنی لۆگۆو سەرۆکی لیستی هاوپەیمانی کوردستانی کۆببنەوە.
