نوچە-ئاژانسەکن
ئەنتەنیۆ گۆترێس، سکرتێری گشتیی رێکخراوی نەتەوەیەکگرتووەکان رایگەیاند، لیژنەی ئامادەکردنی دەستووری نوێی سوریا پێکهاتووە و لە هەفتەکانی داهاتووودا کاروبارەکانی خۆی لە جنێف دەستپێدەکات.
بە گوتەی ئەمینداری گشتیی نەتەوەیەکگرتووەکان، ڕژێمی بەشار ئەسەد و ئۆپۆزسیۆنی سوریا لە بارەی پێکهێنانی ئەم لیژنەیە و کاروبارەکانی گەیشتوونەتە ڕێککەوتن.
گۆترێس دەڵێت لیژنەی پێکهاتوو،جێی متمانە، گشتگیرە و لە ژێر چاودێری نەتەوەیەکگرتووەکان کۆبوونەوەکانی خۆی ئەنجام دەدات.
دەبێ ئەم لیژنەیە، کار بکات بۆ دەستپێکردنی پڕۆسەیەکی سیاسی نوێ لە سوریا.
تاکو ئێستا ڕوون نییە ئایا ئەنجوومەنی دیموکراتی سوریا و پەیەدە، بەشداری کۆبوونەوەکانی ئەم لیژنەیە دەبن یان نا.
