نوچه: تایبهت
بەرپرسێکی پارتی دیموکراتی کوردستان له موسڵ رایدهگهیهێنێت، مەترسییەکی زۆر لای ھاووڵاتیانی موسڵ پەیدابووە و لەبەر جوڵەی چەکدارانی داعش خەڵک روویان لە ئاوارەبوون کردووەتەوە.
له لێدوانێكی تایبهت به نوچه، سهعید مهموزینی، بەرپرسی راگهیاندنی لقی ١٤ی پارتی لە موسڵ، لهبارهی بارودۆخی ئهو شاره راگەیاند: رەوشی ئەمنی نێوشار و دەورووبەری موسڵ خراپە و ترسێک لای دانیشتووانی موسڵ پەیدابووە لەوەی، کە رەوشەکە بگاتە قۆناغێکی مەترسیدارتر لەوەی ئێستا و ئەوەش وایکردووە بەشێک لە ھاووڵاتیانی موسڵ بیر لەوە دەکەنەوە جارێکی دیکە شوێنەکانیان بەجێ بێڵن و بەدوای ناوچەیەکی ئارامدا دەگەڕێن، ڕۆژانە ژمارەیەک خێزان چ لەنێو سەنتەری موسڵ، یان ناوچەکانی دەورووبەری بەرەو سنوورەکانی ھەرێمی کوردستان دێن، چونکە دەزانن مەترسی لەسەر ژیانیان ھەیە.”
بەرپرسەکەی پارتی دەشڵێت “گروپی تیرۆرستی داعش لە موسڵ گروپی پێنج کەسی و حەوت کەسیان پێکھێناوە و جووڵەیان زیاتر کردووە و تا دێت شانەکانیان زیاتر دەبن. ھۆکارەکەیشی بۆ ئەوە دەگەڕێتەوە، کە بۆشایی ئەمنی پەیدا بووە و ھێزە ئەمنی و سەربازییەکانی عێراق ھیچ ھەماھەنگییان نییە بۆ کۆنترۆڵکردنی رەوشی ئەمنی”.
موموزینی گوتیشی شهوی ڕابردوو، شێخی عهشیرهی الخطابی، شێخ سعد علیالخطابی، كوژراوه.
