نوچە-ڕۆیتەرز
لە ئەنجامی ئۆپەراسیۆنێکی هاوبەشی ئەمریکا و سوپای ئەفغانستان بۆ سەر چەکدارانی تاڵیبان، بە دەیان کەس لە چەکدارانی ئەم رێکخراوە کوژران.
بەرپرسێکی ئەمنی ئەمریکا بە ئاژانسی هەواڵی ڕۆیتەرزی گوتووە، شەڕ و بەریەککەوتن لە نێوان ئەمریکا و چەکدارانی تالیبان پەرەی سەندووە.
وەزارەتی بەرگری ئەفغانستان، زانیاری زۆرتری لەبارەی ئەنجامەکانی ئەم ئۆپەراسیۆنە هاوبەشە بڵاوکردۆتەوە. بە گوێرەی لێدوانی بەرپرسانی ئەفغانی، لە هێرشەکەى سەر ئەنار دەرە لە ویلایەتی فراه ، ئەمیرێکی تاڵیبان و ٣٤ کەسی دیکە لە چەکدارانی تاڵیبان کوژراون.
ئەم هێرشە هاوبەشە بۆ سەر تاڵیبان، دوای ئەوە دێ کە ئەم رێکخراوە هێرشەکانی بۆ سەر خەڵکی مەدەنی و هێزە سەربازییەکانی ئەفغانستان و ئەمریکا چڕتر کردۆتەوە.
