نوچە-وۆڵ ستریت جۆرناڵ
ڕۆژنامەی وۆڵ ستریت جۆرناڵ ئاشکرای دەکات، کە ئێف بی ئای، ناسنامەی یەکیک لە ئەنجامدەرانی هێرشە ترسناکەکەی ١١ی سێبتەمبەری ٢٠٠١، ئاشكرا دەکات.
بە گوێرەی زانیاریيەکانی ئەم پێگەیە، ئێف بی ئای، ناوی یەکێک لە ئەنجامەدرانی هێرشەکەی ١١ـی سێبتێمبەر ڕادەستی بنەماڵەی قوربانیانی ئەم رووداوە دەکات.
دەگوترێ تاوانبارەکە، بەرپرسێکی سعودیەیە و لە ڕاپۆرتی نهێنی ساڵی ٢٠١٢ـی ئێف بی ئای، ناوی تۆمار کراوە.
جەیمز کریندلەر، پارێزەری بنەماڵەی قوربانیان لەم بارەوە رایگەیاندووە، کە لە هەوڵدایە زانیاری زیاتر لە بارەی ئەم کەسە بەدەست بهێنێ.
لە ئەنجامی هێرشی تۆڕی قاعیید بۆ سەر شاری نیۆیۆرک، نزیک بە سێ هەزار کەس گیانیان لە دەست دا.
