نوچە
ئەمڕۆ سەرۆك بارزانی پێشوازی لە ئەمیری كۆمەڵی ئیسلامی و شاندێكی یاوەری كرد و لە کۆبوونەوەکەش جەختیان لە پێویستی هەماهەنگی لایەنە كوردستانییەكان لەسەر بەرژەوەندییە باڵاكانی كوردستان کردەوە
ئەمڕۆ (یەكشەممە ٨-٩-٢٠١٩) لە سەلاحەددین سەرۆك مەسعود بارزانی پێشوازی لە مامۆستا عەلی باپیر ئەمیری كۆمەڵی ئیسلامی و شاندێكی یاوەری كرد كە پێكهاتبوو لە عەبدولستار مەجید ئەندامی مەكتەبی سیاسی و مامۆستا مەلا حەسەن ئەندامی سەركردایەتیی كۆمەڵی ئیسلامیی كوردستان.
به گوێره‌ی ماڵپەڕی فه‌رمی سه‌رۆك بارزانی، لە دیدارەكەدا كە فازڵ میرانی سكرتێری مەكتەبی سیاسی و عەلی حوسێن بەرپرسی مەكتەبی ناوەندیی پەیوەندییە نیشتیمانییەكانی پارتی دیموكراتی كوردستان ئامادەی بوون، بارودۆخی سیاسیی و دوا پێشهاتەكانی كوردستان و عێراق و ناوچەكە تاوتوێ كرا.
هەر لەو دانیشتنەدا جەخت لە پێویستی هەماهەنگی لایەنە كوردستانییەكان لەسەر بەرژەوەندییە باڵاكانی كوردستان و خاڵە هاوبەشەكانی نێوانیان و بەدیهێنانی بەكڕیزیی نیشتیمانی كرایەوە.
لە بەشێكی تری ئەو كۆبوونەوەیەدا هەردوولا لەسەر پێویستی یەكگوتاری و هەماهەنگی فراكسیۆنە كوردستانییەكان لە بەغدا هاوڕا بوون.
پەیوەندییەكانی نێوان هەردوولا تەوەرێكی تری ئەو دیدارە بوو.
