نوچه: ئاژانسەکان
داعش لە باشووری تکریت، لە هێرشێکیدا پێنج سەربازی سوپا و چەکداری حەشدی شەعبی کوشت.
سەرچاوەیەکی ئەمنی لە پارێزگای سەڵاحەددین ئاشکرای کردووە، لە هێرشێکی داعشدا بۆ سەر پێگەیەکی سوپا و حەشدی شەعبی لە ناوچەی مکێشیفە لە باشووری تکریت، پێنج سەرباز و چەکداری حەشد کوژران.
لە ناوچەیەکی نزیک شارۆچکەی شارەبان سەر بە پارێزگای دیالەش، بۆمبێکی چێندراو تەقییەوە و هیچ زیانێکی بەدواوە نەبوو، سێ بۆمبی دیکەش پوچەڵکرانەوە.
فەرماندەیی ئۆپەراسیۆنەکانی فوراتی ناوەڕاست، بڕیاریدا هێزی ئەمنی و سەربازی زیاتر رەوانەی هەر چوار پارێزگای بابل، کەربەلا، نەجەف و دیوانیە بکرێت و پلانێکی تۆکمە بۆ پاراستنی ئاسایشی رێورەەسمەکانی یادکردنەوەی عاشورا دابنرێت، کە ساڵانە لە ١٠ی مانگی موحەڕەم، یادی ئیمام حوسەینی کوڕی عەلی ئەبو تالیب دەکرێتەوە.
