نوچە-یەدیعوت
بەرپرسێکی سەربازی ئیسرائیل، بە رۆژنامەی یەدیعوتی گوتووە، کە لە بابەتی هێرشەکانی هێزی ئاسمانی ئەم وڵاتە بۆ سەر هاوپەیمانان و بەرژەوەندیەکانی ئێران لە عێراق، هەماهەنگی تەواو لە نێوان تەل ئەبیب و واشنتۆن بوونی هەیە.
لە وەڵامی پرسیاڕیک لەبارەی هەماهەنگی ئیسرائیل و ئەمریکا لەم هێرشانە، کە کراونەتە سەر هێزەکانی حەشدی شەعبی، ئەم بەرپرسە سەربازیە دەڵێت: تەل ئەبیب و واشنتۆن، رۆژانە لە هەماهەنگیدان؛ بە تایبەت لە ئاستی نێودەوڵەتی و بواری ئەمنیدا.
جێی ئاماژەیە، لە ماوەی رابڕدوودا زنجیرە هێرشێکی بەردەوام کرایە سەر بنکە و بارەگا و جبەخانەکانی حەشدی شەعبی و بەو هۆیەوە ژمارەیک لە میلیشاکانی ئەم رێکخراوە و هەروەها ژمارەیەک راوێژکاری سەربازی ئێرانی کوژران.
ئیسرائیل ناڕاستەخوۆ بەرپرسیارێتی خۆی لەم هێرشانە راگەیاندووە و، تەنانەت لە لایەن بەرپرسانی ئەمنی و بەرگری عێراقەوە تۆمەتبار کراوە.
