نوچە
شەوی رابردوو لە ئەنجامی ھێرشێكی داعش، سەركردەیەكی گروپی سەرایا سەلام كوژرا و چوار چەكداری دیكەش بریندار بوون.
بەگوێرەی میدیای عێراقی، درەنگانی شەوی رابردوو (٢/١-٩-٢٠١٩) چەكدارانی داعش لە سامەرا، ھێرشیان كردووەتە سەر خاڵێكی گروپی سەرایا سەلامی حەشدی شەعبی، كە سەر بە رەوتی سەدرە و شەڕ و رووبەڕووبوونەوەیەكی بەھێز لە نێوانیاندا روویداوە، لە ئەنجامدا سەركردەیەكی سەربازی گروپەكە كوژراوە و چوار چەكداری دیكەشیان بریندار بوونە.
لەو بارەیەوە گروپی سەرایا سەلام لە راگەیاندراوێكدا، دانی بەو رووبەڕووبوونەوەیەدا ناوە و ئاماژە بەوەش دەكات، سەركردە كوژراوەكەیان ناوی جەمال ئیبراھیم دلێمییە؛ بەبێ ئەوەی زانیاری زیاتر بخەنەڕوو.
