نوچە: ئاژانسەکان
تەقینەوەیەک لە ئاهەنگێکدا لە کابوڵی پایتەختی ئەفغانستان رووی دا و ژمارەیەکی زۆری هاوڵاتییان بوونە قوربانی.
ئێوارەی رۆژی شەممە ١٧-٨-٢٠١٩، لە هۆڵێکدا لەکاتی ئاهەنگێکی هاوسەرگیری لە کابوڵ، تەقینەوەیەک روویدا.
سەرلەبەیانیی ئەمڕۆ یەکشەممە ١٨-٨-٢٠١٩، وەزارەتی ناوخۆی ئەفغانستان رایگەیاندووە، کە ژمارەی ئەوانەی گیانیان لەدەست داوە گەیشتووەتە ٦٨ کەس، جگە لە ١٨٢ کەسی دیکە، کە بریندار بوون.
هەرچەندە زۆرینەی تەقینەوە و کردە تیرۆریستییەکانی ئەفغانستان لەلایەن تاڵیبانەوە ئەنجام دەدرێن، بەڵام تاڵیبان رەتی کردووەتەوە لەو تەقینەوەیەی ناو ئەو ئاهەنگە، ئەنجام دابێت.
