نوچە-سپۆتنیک
باڵیۆزخانەی ئەمریکا لە بەرلین داوا لە وڵاتانی زلهێزی ئەوروپا دەکات پەیوەستی هاوپەیمانی دەریایی دژ بە ئێران بن لە ئاوەکانی کەنداو.
باڵیۆزخانەی ئەمریکا لە ئەڵمانیا، بە فەرمی داوای لە وڵاتانی ئەڵمانیا، بەریتانیا و فەرەنسا کردووە، تاکوو پەیوەستی هەواڵبەندییەک بن، کە واشنتۆن لە هەوڵدایە بۆ پاراستنی ئاسایشی کەشتیە نەوتهەڵگرەکان لە ئاوەکانی کەنداو و گەرووی هۆرمۆز پێکی بهێنیت.
باڵیۆزخانەی ئەمریکا لە بەرلین لە بەیانێکدا دەڵێت: بە فەرمی داوا لە وڵاتانی ئەڵمانیا، فەرەنسا و بەریتانیا دەکەین، بۆ گرەنتی کردنی ئاسایشی گەرووی هۆرمۆز و نەوتکێشەکان پەیوەستی هاوپەیمانی دەریایی بن، کە لە سەر دەستی واشنتۆن پێکدەهێنرێت.
