نوچە-ئاژانسەکان
دەزگای زانیاری الصقور، باس لە پووچەڵکردنەوەی گەورەترین پلانی تیرۆریستی لە ساڵی ٢٠١٩ دەکات لە عێراق.
بە گوێرەی زانیاریەکانی دەزگای زانیاری الصقر، ئامانجی ئەم پلانە تیرۆریستییە، هێرشکردنە سەر بەغدا و پارێزگاکانی باشوری عێراق و هەرێمی کوردستان بووە.
ابو علی بصیری، سەرۆکی گروپی هەواڵگری الصقر، بە ڕۆژنامەی سەباحی گوتووە: ئەم تۆڕە تیرۆریستیانە پێشتر ئامانجەکانی خۆیان دیاری کردووە و بە هۆی هێرشی ئاسمانی و زەمینیەوە پلانەکەیان پووچڵ کراوەتەوە.
بە گوتەی البصری، زیاتر لە ١٦٠ تیرۆریست لە پارێزگای نەینەوا و زیاتر لە ٤٠ کەسی دیکەش لە بەغدا دەستگیر کراون.
البصری، هەروەها هەماهەنگی و هاوکاری دەزگا ئەمنیەکانی عێراق و هەرێمی کوردستانی بەرز نرخاندووە.
