نوچە-تەلەگراف
رۆژنامەی تەلەگرافی بەریتانیا، ئەمڕۆ دووشەممە ٢٢ی جولای، لە چەند سەرچاوەیەکی هەواڵگری ئەم وڵاتە گواستوویەتیەوە، کە لەئەگەی بەردەوام بوونی ناکۆکی و ئاڵۆزیەکانی نێوان تاران و لەندەن، رەنگە ئێران بە هۆی هێزە بە وەکالەتەکانی خۆیەوە بیهەوێ هێرشی تیرۆریستی بکاتە سەر بەریتانیا.
رۆژنامەکە لە سەر زاری بەرپرسانی دەزگا هەواڵگریەکانی ئێم ئای فایۆ و ئێم ئای سیکس ئاشکرای کردووە، کە ئەگەر لە نێوان تاران و لەندەن لە ئاوەکانی کەنداو شەر ڕوو بدات، ئێران شانە تیرۆریستییە نوستووەکانی لە ئەوروپا وەگەڕ دەخات و بەریتانیا دەکاتە ئامانجی هێرشی تیرۆریستی.
بە گوێرەی زانیاریەکانی ڕۆژنامەی تەلەگراف، ئەم شانە نووستوانە لە لایەن سەرکردایەتی حزبوڵڵای لوبنانەوە ئاراستە دەکرێن؛ گروپێک، کە لە لایەن ئێرانەوە ساپۆرتی دارایی و سەربازی دەکرێن.
