نوچە-پێگەی ناتۆ
گوتەبێژی ناتۆ وێڕای تۆمەتبارکردنی ئێران بە نانەوەی ئاڵۆزی لە ناوچەکە، داوا لە ئێران دەکات بە زووترین کات کەشتیە نەوتکێشەکەی بەریتانیا ئازاد بکات کە رۆژی هەینی رابردوو دەستی بە سەرداگرت.
ئوئانا لونگسکۆ، گوتەبێژی ناتۆ ، ئەمڕۆ یەکشەممە،٢١ی جولای لە بەیاننامەیەکی فەرمیدا هۆشداری دایە ئێران و رایگەیاند ، ئێران لە دوو ڕۆژی رابردوودا لە گەرووی هورمۆز دەستی بە سەر دوو نەوتکێشدا گرتووە.
بە گوتەی ئەم بەرپرسەی ناتۆ، ئەندامانی ناتۆ نیگەرانی چالاکی و هەنگاوە تێکدەرانەکانی ئێرانن، ئەمە بە کێشەیەکی گەورە لە بەردەم ئازادی کەشتێڕانی لە ئاوەکانی کەنداو هەژمار دەکرێت.
