نوچە-السومریە نیوز
نێردەی تایبەتی نەتەوەیەکگرتووەکان بۆ کاروباری عێراق، ئیدانەکەی ڕووداوەکەی رۆژی رابردووی هەولیر دەکات، کە بەهۆیەوە و لە ئەنجامی تەقەکردنی کەسانێکی نەناسراو، دیپلۆماتکارێکی تورکیا گیانی لە دەستدا.
هێنیس پلاسچارت، نێردهی تایبهتی نهتهوه یهكگرتووهكان له عێراق ئەمڕۆ پێنجشەممە ١٨ی جولای لەراگەییندراوێکدا کوشتن و بریندارکردنی چەند کەسی بە توندی مەحکوم کرد.
لە راگەیێندراوەکەی پلاسچارت هاتووە: کوژرانی دیپلۆماتکارێکی تورکیا و کوژران و برینداربوونی دوو کەسی دیکەی مەدەنی بەتوندی مەحکوم دەکەین، ئەم هێرشە بەهەر ناوێکەوە ئەنجامدرابێ، پاساوهەڵناگری و دەبێ بەتوندی ئیدانە بکرێت.
نێردەی سکرتێری گشتیی نەتەوەیەکگرتووەکان لەعێراق هەروەها خوازیاری پشوودرێژی لایەن و بەرپرسانی پەیوەندیدار بووە و جەختی لەسەر دەستگیرکردن و سزادانی بکەرانی ئەم هێرشەی کردۆتەوە.
