نوچە-رۆیتەرز
گوتەبێژی وەزارەتی دەرەوەی ئەڵمانیا، هۆشداری دەداتە ئێران و دەڵێت “دەبی ئەم وڵاتە لە چوارچێوەی رێککەوتنی ئەتۆمی تاران و وڵاتانی زلهێزی جیهاندا بمێنێتەوە”.
ئەم هۆشدارەی ئەڵمانیا دوای ئەوە دێ، کە رۆژی رابردوو تاران رایگەیاند، کە ئاستی پیتاندنی یۆرانیۆم لە رێژەی دیاریکراو تێدەپەڕێنێ.
گوتەبێژی وەزارەتی دەرەوەی ئەڵمانیا دەشڵێت، تۆپەکە لە زەمینی ئێراندایە و ئێمە خوازیارین ئێران پابەندی رێککەوتنەکەی بێت.
ئەڵمانیا هەروەها رایگەیاندووە، ئێران خۆ بەدوور بگرێت لە هەر بڕیار و سیاسەتێک، کە پێچەوانەی رێککەوتنی ئەتۆمییە.
