نوچەنێت-الاخبار
سەرچاوە دیپلۆماسیەکانی سوریا دەڵێن، دەروازەی سنووری القائم-البوکمال لە نێوان سوریا و عێراق دەکرێتەوە.
بە گوێرەی سەرچاوەکان، ئەم دەروازە سنووریە، بڕیارە لە داهاتوویەکی نزیکدا بکرێتەوە.
بڕیاری کردنەوەی ئەم دەروازە سنووریە دوای ئەوە دێ، کە بەرپرسانی باڵای سەربازی سوریا، عێراق و ئێران، مانگی مارسی رابردوو لە دیمەشق کۆبوونەوە و بڕیاری هاوبەشیان لەم بارەوە دا.
لە گەڵ ئەوەی، کە چەند سەرچاوەیەک رایانگەیاندووە، بڕیاری داخستنی ئەم دەروازە سنوورییە بە هۆی گوشاری ئەمریکا و باری ئەمنی سنوورەکان بووە، بەرپرسانی عێراقی دەڵێن “بەغدا گرنگی تەواو بە پەیوەندیەکانی لە گەڵ وڵاتانی دراوسێ دەدات”.
