نوچەنێت-السومریە نیوز
وەزیری دارایی عێراق لە بارەی ڕوودانی شەڕێکی گەورە لە ناوچەی کەنداو هۆشداری دەدات و دەشڵێت “ئەگەر ئەم شەرە ڕووبدات، ئابوری عێراق لە بەریەک هەڵدەوەشێتەوە”.
فواد حسێن، وەزیری دارایی عێراق، لە بارەی ڕوودانی شەڕ لە نێوان ئێران و وڵاتانی دژبەری لە ناوچەی کەنداو هۆشداری دەدات و دەڵێت، بەو هۆیەی، کە ئابووری عێراق گرێدراوی نەوتە، زۆرترین زیانی بەردەکەوێت.
بە گوتەی فواد حسێن، رەوشی ناوچەکە گەلێک مەترسیدارە و بە هۆی ئامادەبوونی چەند وڵات لەم ململانێیە، ئاڵۆزیەکان تا دێ زیاتر دەبێت، بە تایبەتی، کە نزیکە لە جوگرافیای عێراق.
وەزیری دارایی عێراق راشیگەیاند: زۆربەی نەوتی هەناردە کراوی عێراق بە رێگەی کەنداو هەناردە دەکرێت و هەر جۆرە شەڕێک لەم ناوچەیە ئابوری عێراق ئیفلیج دەکات، چونکە ٩٠%ی داهاتی عێراق لە نەوتە.
