نوچەنێت-ئاژانسەکان
فرانک مەکنزی، بەرپرسێکی باڵای سەربازی ئەمریکا دەڵێت، هەڕەشەکانی ئێران وەک خۆی ماوەتەوە و ئەم هەڕەشانەش بە جددی و واقعی ناودەبات.
بە گوتەی ئەم بەرپرسە باڵایەی سوپای ئەمریکا، واشنتۆن ئێستاش نیگەرانی هەڕەشە و جووڵەی هێزەکانی ئێرانە.
بە گوتەی مەکنزی، دوای ئەوەی، کە ئەمریکا هەستی بە پلانی هێرشی ئێران بۆ سەر هێزەکانی کرد، ئێران لە هەندێ شوێن کشایەوە. بەڵام ئیستاش خەریکی ئامادەکارییە و هەڕەشەکانیشی بەردەوامە.
مەکنزی ئەوەش دەخاتەڕوو، کە بەبێ ئەوەی ئێران هەست بە هەڕەشە بۆ سەر خۆی بکات، ئەمریکا بەردەوام دەبی لە نمایشی هێز و توانای سەربازی خۆی.
