نوچەنێت: ئاژانسەکان
سوپای سوریا رایگەیاند، فڕۆکەخانەی T-4 لە باشووری حومس کراوەتە ئامانج و سەربازێک کوژراوە و سوپای ئیسرائیل ـیش تۆمەتبارە بە ئەنجامدانی هێرشەکە.
بەگوتەی سەرچاوەیەکی سوپای سووریا بۆ ئاژانسی فەرمی حکومەتی سوریا (سانا)، لەو بۆردوومانەدا سەربازێکی سوپای سوریا کوژراوە و دوو سەربازی دیکەش برینداربوون.
حکومەتی سوریا، سوپای ئیسرائیل بە ئەنجامدانی هێرشەکە تۆمەتبار دەکات و دەشڵێت “توانیویانە دوو موشەک بەر لە پێکانی ئامانجەکانیان بخەنەخوارەوە”.
بە گویرەی زانیارییەکان، هەر لەو بۆردوومانەدا، کۆگایەکی چەک تەقێندراوەتەوە و زیان بەر چەند باڵەخانەیەک کەوتووە.
